ARLIS-ից ստուգված տեքստՀամեմատված է ARLIS-ի հետ՝ 22.11.2026
ՀՀ ջրային օրենսգիրք
Հոդված 51։ Ջրային համակարգի հավատարմագրային կառավարման ծրագիրը
Հավատարմագրային կառավարման ծրագիրը ջրային համակարգի կառավարչի գործառույթներն ստանձնելու նպատակով մրցույթին մասնակցելու հայտ ներկայացրած անձի ծրագիրն է, որը պետք է բովանդակի՝
1) հավատարմագրային կառավարման տնտեսական նպատակահարմարության հիմնավորումը.
2) հավատարմագրային կառավարման նպատակներին հասնելու համար դրված խնդիրները, դրանց լուծման ուղիների նկարագրությունը.
3) տեղեկություններ անձի տեխնիկական և մասնագիտական ապահովվածության մասին.
4) ջրային համակարգի արդյունավետ օգտագործման և զարգացման համար առաջարկվող (իրականացվելիք) միջոցառումները, դրանց կատարման ժամկետները, ուղիները, պահանջվող ֆինանսական միջոցները և աղբյուրները.
5) այլ տեղեկություններ և դրույթներ, որոնք անհրաժեշտ կհամարվեն հայտ ներկայացնող անձի կողմից:
Տեքստը տեղեկատվական է։ Պաշտոնական հրապարակումը՝ arlis.am