Հաճախ տրվող հարցեր

Նույնականացումը հաստատում է, որ հաշիվը պատկանում է իրական անձի։ Այն անհրաժեշտ է բիզնես հաշիվ գրանցելու, կազմակերպության աշխատակից դառնալու հրավերն ընդունելու և փաստաբանի կամ հաշտարարի կարգավիճակ ստանալու համար։

Նույնականացումը հասանելի է 18 տարին լրացած օգտատերերին։

1. Մուտք գործեք Ձեր հաշիվ և բացեք Անձնագրային տվյալներ էջը։
2. Եթե դեռ չեք լրացրել, Անձնական տվյալներ էջում պահպանեք Ձեր հայրանունը և ծննդյան ամսաթիվը։
3. Լրացրեք և պահպանեք անձնագրի կամ նույնականացման քարտի տվյալները։
4. Սեղմեք «Անցնել նույնականացում» և ընտրեք փաստաթղթի տեսակը՝ անձնագիր և սոցիալական քարտ կամ նույնականացման քարտ։
5. Նկարեք կամ վերբեռնեք պահանջվող էջերը (JPG կամ PNG, մինչև 10 ՄԲ), նշեք փաստաթղթի վավերականության ավարտը և սեղմեք «Ուղարկել հաստատման»։

Անձնագրային տվյալները դիտելու և հայտն ուղարկելու համար կպահանջվի Ձեր PIN կոդը։

Հայտը ստուգում է Docx-ի ադմինը։ Ընթացիկ կարգավիճակը միշտ երևում է Անձնագրային տվյալներ էջում, իսկ որոշման մասին կստանաք ծանուցում։

Եթե հայտը մերժվի, նույն էջում կտեսնեք պատճառը, կուղղեք տվյալները և կուղարկեք նոր հայտ։ Մինչև ստուգումը սպասող հայտը կարող եք չեղարկել։

Փաստաթղթերի նկարները պահվում են գաղտնագրված։ Դրանք տեսնում է միայն հայտը ստուգելու իրավունք ունեցող ադմինը։ Այլ օգտատերերն ու կազմակերպությունները դրանք չեն տեսնում։

Ձեր անձնագրային տվյալները Ձեր հաշվում էլ բացվում են միայն PIN կոդը հաստատելուց հետո։

Հաստատված անձնագրային տվյալները խմբագրել հնարավոր չէ։ Անձնագրային տվյալներ էջում սեղմեք «Անձը հաստատող փաստաթղթի փոխարինում», նշեք պատճառը, լրացրեք նոր տվյալները և ուղարկեք նոր փաստաթղթի նկարները։

Նույնականացումը պետք է անցնել կրկին նաև այն դեպքում, երբ փաստաթղթի ժամկետը լրացել է, կամ փոխվել են Ձեր անունը, ազգանունը կամ անձնագրային տվյալները։

1. Բացեք մասնագիտական նույնականացման բաժինը։
2. Ընտրեք «ՀՀ փաստաբանների պալատի փաստաբան», «ՀՀ ԱՆ կողմից որակավորված հաշտարար» կամ երկուսը միասին։
3. Նշեք արտոնագրի կամ որակավորման վկայականի համարը, վավերականության ավարտը (եթե նշված է) և կցեք վկայականի 1-ից 3 նկար կամ PDF։
4. Եթե դեռ նույնականացված չեք, նույն հայտում կցեք նաև անձը հաստատող փաստաթուղթը։ Անձի հաստատմանը սպասել պետք չէ։

Ադմինը վկայականը ստուգում է Փաստաբանների պալատի կամ Արդարադատության նախարարության տվյալներով։ Մասնագիտական կարգավիճակը հասանելի է 18 տարին լրացած օգտատերերին։

Փաստաբանների և հաշտարարների ցանկերը կազմվում են հանրային ռեեստրներից։ Ձեր էջը կապվում է հաշվին, երբ հաստատվում է Ձեր մասնագիտական նույնականացումը նույն արտոնագրի կամ վկայականի համարով։

Դրանից հետո Ձեր էջում կերևա, որ կարգավիճակը հաստատված է, և կցուցադրվի Ձեր գրասենյակը Docx-ում։

1. Անցեք անձի նույնականացում․ առանց դրա բիզնես հաշիվ գրանցել հնարավոր չէ։
2. Բացեք բիզնես հաշվի գրանցման էջը և ընտրեք կազմակերպության տեսակը։
3. Նշեք Ձեր դերը (տնօրեն, հիմնադիր կամ լիազորված ներկայացուցիչ), կազմակերպության անվանումը, ՀՎՀՀ-ն, կազմակերպաիրավական ձևը, հասցեն, հեռախոսահամարը և էլ. հասցեն։
4. Հաստատեք տվյալների ճշտությունը և Ձեր իրավասությունը, ապա սեղմեք «Ստեղծել բիզնես հաշիվ»։

Բիզնես հաշիվը ստեղծվում է անմիջապես, և բացվում է կազմակերպության աշխատանքային տարածքը։ DOCX Drive-ը ստեղծվում է ավտոմատ։

Փաստաբանական կամ իրավաբանական գրասենյակ կարող է գրանցել հաստատված փաստաբանի կարգավիճակ ունեցող օգտատերը, իսկ հաշտարարի գրասենյակ՝ հաստատված հաշտարարը։ Նախ անցեք մասնագիտական նույնականացում։

Կարգավիճակը հաստատվելուց հետո բացեք փաստաբանական գրասենյակի կամ հաշտարարի գրասենյակի գրանցման էջը և լրացրեք գրասենյակի տվյալները։ Լրացուցիչ հաստատում պետք չէ։

Հաշվի առեք, որ մասնագիտական գրասենյակը հետագայում չի կարող դառնալ սովորական կազմակերպություն։

Այո, որպես լիազորված ներկայացուցիչ։ Գրանցման ձևում ընտրեք «Լիազորված ներկայացուցիչ» և նշեք տնօրենի կամ հիմնադրի username-ը։

Տնօրենը կամ հիմնադիրը պետք է ունենա Docx-ի հաշիվ և անցած լինի անձի նույնականացում։ Գրանցելիս Դուք հաստատում եք, որ իրավասու եք ներկայացնել կազմակերպությունը։

Մեկ ՀՎՀՀ-ով կարելի է գրանցել միայն մեկ բիզնես հաշիվ։ Եթե կազմակերպությունն արդեն գրանցված է, խնդրեք նրա կառավարչին հրավիրել Ձեզ որպես աշխատակից։

Եթե կարծում եք, որ կազմակերպությունը գրանցել է անծանոթ անձ, գրեք մեզ։

Անհատ օգտատերը Docx-ում հանրային էջ չունի։ Ձեր տվյալները կարող են տեսնել միայն՝

1. Ձեր ճշգրիտ username-ն իմացող օգտատերը՝ Ձեր անունը, ազգանունը և username-ը։
2. Կազմակերպության սեփականատերը կամ ադմինը, երբ Ձեզ փնտրում է անունով՝ աշխատակից հրավիրելու կամ հաճախորդ ավելացնելու համար։ Նա նույնպես տեսնում է միայն անունը, ազգանունը և username-ը։
3. Կազմակերպությունը, որին ինքներդ եք դիմում (հայտ, պատվեր, ստորագրվող փաստաթուղթ) կամ որի հաճախորդ լինելը հաստատել եք։ Նա ստանում է այդ գործի համար անհրաժեշտ տվյալները, օրինակ՝ անունը, հեռախոսը և էլ. փոստը։

Ձեր անձնագրային տվյալները, փաստաթղթերի նկարները և անձնական փաստաթղթերը այլ օգտատերերին չեն ցուցադրվում, եթե ինքներդ չեք կիսվում դրանցով։

Կազմակերպությունների ցանկում ցուցադրվում են միայն Docx-ում գրանցված կազմակերպությունները։ Հանրային էջում երևում են կազմակերպության անվանումը, նկարագրությունը և կոնտակտները։ Էլ. փոստի և հեռախոսի ցուցադրումը կարող եք անջատել գրասենյակի կարգավորումներում՝ «Հանրային կոնտակտների տեսանելիություն» բաժնում։

Փաստաբանի և հաշտարարի էջի տվյալները վերցվում են հանրային ռեեստրներից, ոչ թե Ձեր անձնական հաշվից։ Ձեր անձնագրային տվյալները և հաշվի կոնտակտներն այնտեղ չեն հրապարակվում։

Գրեք մեզ անմիջապես կայքում կամ WhatsApp-ով։ Պատասխանը կտեսնեք Ձեր հաշվում, իսկ ցանկության դեպքում նաև էլ. փոստում։