ARLIS-ից ստուգված տեքստՎերջին փոփոխություն՝ 18.04.2025Համեմատված է ARLIS-ի հետ՝ 22.11.2026
ՀՀ հարկային օրենսգիրք
Հոդված 197։ Բնօգտագործման վճարը
1. Բնօգտագործման վճարը պետական սեփականություն համարվող բնական պաշարների արդյունավետ և համալիր օգտագործման, ինչպես նաև բնական պաշարների օգտագործումը փոխհատուցելու նպատակով այդ պաշարների օգտագործման կամ օգտագործման իրավունքի համար սույն բաժնին համապատասխան Հայաստանի Հանրապետության պետական բյուջե վճարվող վճար է:
2. Սույն բաժնի կիրառության իմաստով՝ բնօգտագործման վճարի տեսակ է ռոյալթին, որը մետաղական օգտակար հանածոների օգտագործումը փոխհատուցելու նպատակով, ինչպես նաև մետաղական օգտակար հանածոների և դրանց կամ ընդերքօգտագործման թափոնների վերամշակման արդյունքում ստացված արտադրանքի օտարումից ստացվող շահութաբերության համար, սույն բաժնին համապատասխան, Հայաստանի Հանրապետության պետական բյուջե վճարվող վճար է:
(197-րդ հոդվածը լրաց. 21.12.17 ՀՕ-266-Ն, 18.04.25 ՀՕ-82-Ն)
(18.04.25 ՀՕ-82-Ն օրենքն ունի անցումային դրույթ)
Տեքստը տեղեկատվական է։ Պաշտոնական հրապարակումը՝ arlis.am