ARLIS-ից ստուգված տեքստՎերջին փոփոխություն՝ 22.10.2025Համեմատված է ARLIS-ի հետ՝ 22.11.2026
ՀՀ ընտանեկան օրենսգիրք
Հոդված 68։ Երեխաների ապրուստը հոգալու` ծնողների պարտականությունները
1. Ծնողները պարտավոր են հոգալ իրենց երեխաների ապրուստը։
Երեխաներին ապրուստի միջոց տրամադրելու կարգն ու պայմանները ծնողները որոշում են ինքնուրույն։
Ծնողները կարող են համաձայնություն կնքել իրենց երեխաների ապրուստը հոգալու մասին (ալիմենտ վճարելու վերաբերյալ համաձայնություն)՝ սույն օրենսգրքի 15-րդ գլխին համապատասխան։
2. Եթե ծնողները ապրուստի միջոց չեն տրամադրում իրենց երեխաներին, ապա վերջիններիս ապրուստը հոգալու համար միջոցները (ալիմենտը) ծնողներից բռնագանձվում են դատական կարգով։
3. Երեխաների ապրուստը հոգալու համար միջոցները (ալիմենտը) վճարվում են անկանխիկ ձևով՝ օրենքով սահմանված կարգով:
(68-րդ հոդվածը փոփ., լրաց. 22.10.25 ՀՕ-363-Ն)
(22.10.25 ՀՕ-363-Ն օրենքն ունի եզրափակիչ մաս և անցումային դրույթներ)
Տեքստը տեղեկատվական է։ Պաշտոնական հրապարակումը՝ arlis.am