ARLIS-ից ստուգված տեքստՀամեմատված է ARLIS-ի հետ՝ 22.11.2026
ՀՀ քաղաքացիական օրենսգիրք
Հոդված 701։ Կապալի պայմանագրով կատարվող աշխատանքները
1. Կապալի պայմանագիրը կնքվում է գույք պատրաստելու կամ մշակելու (վերամշակելու) կամ այլ աշխատանքներ կատարելու համար` պատվիրատուին հանձնելով դրա արդյունքը:
2. Գույք պատրաստելու համար կնքված կապալի պայմանագրով կապալառուն դրա նկատմամբ իրավունքները փոխանցում է պատվիրատուին:
3. Կապալառուն պատվիրատուի առաջադրանքը կատարելու եղանակները որոշում է ինքնուրույն, եթե այլ բան նախատեսված չէ կապալի պայմանագրով:
Տեքստը տեղեկատվական է։ Պաշտոնական հրապարակումը՝ arlis.am