ARLIS-ից ստուգված տեքստՀամեմատված է ARLIS-ի հետ՝ 22.11.2026
ՀՀ քաղաքացիական օրենսգիրք
Հոդված 505։ Ապրանքի համար տարաժամկետ վճարելը
1. Ապրանքի ապառիկ վաճառքի պայմանագրով կարող է նախատեսվել ապրանքի համար տարաժամկետ վճարելու` գնորդի իրավունքը:
Տարաժամկետ վճարելու պայմանով ապրանքի ապառիկ վաճառքի պայմանագիրը համարվում է կնքված, եթե դրանում առուվաճառքի պայմանագրի այլ էական պայմանների հետ միասին նշված են ապրանքի գինը, վճարելու կարգը, ժամկետները և չափերը:
2. Տարաժամկետ վճարելու պայմանով ապրանքի ապառիկ վաճառքի պայմանագրի նկատմամբ կիրառվում են սույն օրենսգրքի 504 հոդվածի 2-6-րդ կետերով նախատեսված կանոնները:
Տեքստը տեղեկատվական է։ Պաշտոնական հրապարակումը՝ arlis.am