ARLIS-ից ստուգված տեքստՎերջին փոփոխություն՝ 10.09.2024Համեմատված է ARLIS-ի հետ՝ 22.11.2026
ՀՀ քաղաքացիական օրենսգիրք
Հոդված 42։ Խնամակալությունը և հոգաբարձությունը դադարելը
1. Չափահաս քաղաքացիների նկատմամբ խնամակալությունը և հոգաբարձությունը դադարում են խնամակալի, հոգաբարձուի կամ խնամակալության ու հոգաբարձության մարմնի դիմումի հիման վրա` խնամարկյալին գործունակ ճանաչելու կամ նրա գործունակության սահմանափակումները վերացնելու մասին դատարանի վճռով:
2. Փոքրահասակ խնամարկյալի տասնչորս տարին լրանալիս նրա նկատմամբ խնամակալությունը դադարում է, իսկ խնամակալի պարտականություններ իրականացնող քաղաքացին, առանց այդ մասին լրացուցիչ որոշման, դառնում է անչափահասի հոգաբարձուն:
3. Անչափահասի նկատմամբ հոգաբարձությունն առանց հատուկ որոշման դադարում է նրա տասնութ տարին լրանալիս, ինչպես նաև սույն օրենսգրքի 24-րդ հոդվածի 2-րդ մասով սահմանված դեպքերում:
(42-րդ հոդվածը խմբ. 10.09.24 ՀՕ-328-Ն)
Տեքստը տեղեկատվական է։ Պաշտոնական հրապարակումը՝ arlis.am