ARLIS-ից ստուգված տեքստՎերջին փոփոխություն՝ 15.06.2006Համեմատված է ARLIS-ի հետ՝ 22.11.2026
ՀՀ քաղաքացիական օրենսգիրք
Հոդված 1120։ Հեղինակային իրավունքի պահպանության նշանը
(վերնագիրը փոփ. 15.06.06 ՀՕ-143-Ն)
1. Բացառիկ գույքային իրավունքների տիրապետողն իր իրավունքների մասին ծանուցելու նպատակով կարող է օգտագործել հեղինակային իրավունքի պահպանության նշան, որը տեղադրվում է ստեղծագործության բնօրինակի կամ յուրաքանչյուր օրինակի վրա և կազմված է`
1) շրջանակի մեջ վերցված լատիներեն «C» տառից.
2) բացառիկ հեղինակային իրավունքները տիրապետողի անունից (անվանումից).
3) ստեղծագործության առաջին հրատարակության տարեթվից:
2. Իրավատեր է համարվում հեղինակային իրավունքի պահպանության նշանում հիշատակված անձը, եթե այլ բան ապացուցված չէ:
(1120-րդ հոդվածը փոփ. 15.06.06 ՀՕ-143-Ն)
Տեքստը տեղեկատվական է։ Պաշտոնական հրապարակումը՝ arlis.am