ARLIS-ից ստուգված տեքստՎերջին փոփոխություն՝ 09.07.2019Համեմատված է ARLIS-ի հետ՝ 22.11.2026
ՀՀ վարչական դատավարության օրենսգիրք
Հոդված 62։ Ծանուցագրի բովանդակությունը
1. Ծանուցագիրը բովանդակում է`
1) դատարանի (նստավայրի) անվանումը և հասցեն.
2) դատարան կանչվող անձի անունը (անվանումը).
3) նշում` հասցեատիրոջ դատավարական կարգավիճակի մասին.
4) նշում` ներկայանալու ժամանակի մասին.
5) նշում այն գործի մասին, որի վերաբերյալ անձը ծանուցվում է։
2. Եթե դատավարական գործողությունն իրականացվելու է դատարանից դուրս, ապա ծանուցագրում պետք է նշվի նաև դատավարական գործողության անցկացման վայրը։
3. Ծանուցագրում նշվում է նաև դատարան չներկայանալու կամ չներկայանալու պատճառները դատարանին հայտնելու պարտականությունը չկատարելու հետևանքների մասին։
4. Ծանուցագիրն ուղարկում է դատարանի աշխատակազմը։
(62-րդ հոդվածը փոփ. 09.07.19 ՀՕ-128-Ն)
Տեքստը տեղեկատվական է։ Պաշտոնական հրապարակումը՝ arlis.am