Վարչական իրավախախտումների վերաբերյալ ՀՀ օրենսգիրք
Հոդված 113։ Քաղաքային համայնքի տարածքում կենդանիներ պահելու կարգը, պահանջները, պայմանները, սահմանափակումները և հաշվառման կարգը խախտելը
(վերնագիրը խմբ. 19.12.12 ՀՕ-247-Ն, 25.03.26 ՀՕ-124-Ն, 03.07.26 ՀՕ-406-Ն)
1. Քաղաքային համայնքի տարածքում համայնքի ավագանու սահմանած՝ կենդանիներ պահելու կարգը, պահանջները, պայմանները, սահմանափակումները կամ հաշվառման կարգը խախտելը՝
առաջացնում է տուգանքի նշանակում` սահմանված նվազագույն աշխատավարձի հարյուրապատիկից մինչև հարյուրհիսնապատիկի չափով:
2. Սույն հոդվածի 1-ին մասով նախատեսված արարքները, որոնց հետևանքով վնաս է պատճառվել իրավաբանական կամ ֆիզիկական անձանց գույքին, ինչպես նաև ֆիզիկական անձանց առողջությանը`
առաջացնում է տուգանքի նշանակում` սահմանված նվազագույն աշխատավարձի երկուհարյուրապատիկից մինչև երկուհարյուրհիսնապատիկի չափով:
(113-րդ հոդվածը խմբ. 02.09.93 ՀՕ-79, 19.12.12 ՀՕ-247-Ն, 25.03.26 ՀՕ-124-Ն, 03.07.26 ՀՕ-360-Ն, 03.07.26 ՀՕ-406-Ն)
(03.07.26 ՀՕ-406-Ն օրենքն ունի անցումային դրույթ)