Համաձայնություն մեքենայի տվյալների ստացման համար
Տարբերակ 2026-10-28.1 · 2026-10-28
1. Ձև 1
Տվյալների սուբյեկտը դիմում է իր վերաբերյալ տվյալներ ստանալու համար
2. Տվյալների սուբյեկտ
Անուն, ազգանուն, հայրանուն՝ ____________________ Հանրային ծառայությունների համարանիշ (ՀԾՀ) կամ անձնագրի/նույնականացման քարտի համար՝ ____________________ Հաշվառման հասցե՝ ____________________ Հեռախոս՝ ____________________ Էլ. փոստ՝ ____________________
3. Տրանսպորտային միջոց
Պետական հաշվառման համարանիշ՝ ____________________ Հաշվառման վկայականի (տեխնիկական անձնագրի) համար՝ ____________________
4. Համաձայնության բովանդակություն
Ես՝ վերը նշված անձս, «Անձնական տվյալների պաշտպանության մասին» ՀՀ օրենքի համաձայն տալիս եմ իմ համաձայնությունը, որ «ԴՈԿԻՔՍ» ՍՊԸ-ն (ք. Երևան, Մոլդովական փող., 2/2 շենք, 43 բն., DOCX.AM հարթակ) «ԷԿԵՆԳ» ՓԲԸ-ի իսկորոշման համակարգի միջոցով ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստանա և մշակի ստորև նշված՝ իմ և վերը նշված տրանսպորտային միջոցի վերաբերյալ տվյալները։
5. Ստացվող տվյալներ
1) սեփականատիրոջ անունը, ազգանունը, հայրանունը. 2) տրանսպորտային միջոցի տեսակը, մակնիշը և մոդելը, VIN կոդը, պետական համարանիշը, հաշվառման վկայականի համարը, թողարկման տարեթիվը, գույնը, շարժիչի ծավալը և տեսակը. 3) տրանսպորտային միջոցով կատարված վարչական իրավախախտումների վերաբերյալ որոշումները (վարչական ակտերը)՝ որոշման համարը և ամսաթիվը, խախտման տեսակը, ամսաթիվը, ժամը և վայրը, կիրառված իրավական նորմը, տույժի չափը, վճարման կարգավիճակը, ծանուցման հասցեն և ծանուցման (հանձնման) ամսաթիվը, առկայության դեպքում՝ խախտումն ամրագրող լուսանկարը։
6. Նպատակներ
ա) իմ կողմից կազմվող փաստաթղթերում (պայմանագրեր, լիազորագրեր, դիմումներ և այլն) տվյալների ավտոմատ լրացում. բ) իմ նկատմամբ կայացված վարչական ակտերին ծանոթանալը, դրանց բողոքարկման ժամկետների մասին տեղեկացումը և վարչական բողոքի կամ դատական հայցի նախագծի կազմումը։ Տվյալները այլ նպատակով չեն օգտագործվում և երրորդ անձանց չեն փոխանցվում՝ բացառությամբ օրենքով նախատեսված դեպքերի։
7. Մշակման եղանակ և ժամկետ
Հարցումը կատարվում է միայն իմ նախաձեռնությամբ՝ DOCX.AM հարթակում իմ մուտքագրած համարանիշի և հաշվառման վկայականի համարի հիման վրա։ Յուրաքանչյուր հարցում գրանցվում է (ամսաթիվ, ժամ, հարցման առարկա)։ Տվյալները պահվում են գաղտնագրված և հասանելի են միայն ինձ։ Համաձայնությունը գործում է ստորագրման օրվանից մինչև իմ կողմից այն հետ կանչելը, բայց ոչ ավելի, քան 1 (մեկ) տարի։ Ստացված տվյալները պահվում են դրանց մշակման նպատակի իրագործման համար անհրաժեշտ ժամկետում, որից հետո ոչնչացվում են։
8. Իմ իրավունքները
Ինձ հայտնի է, որ՝ – կարող եմ ցանկացած պահի հետ կանչել համաձայնությունը DOCX.AM հարթակում կամ գրավոր դիմումով «ԴՈԿԻՔՍ» ՍՊԸ-ին։ Հետ կանչելը չի ազդում մինչ այդ կատարված մշակման օրինականության վրա. – իրավունք ունեմ ծանոթանալու իմ մասին մշակվող տվյալներին, պահանջելու դրանց ուղղումը, արգելափակումը կամ ոչնչացումը. – իմ վերաբերյալ կատարված հարցումը արտացոլվում է e-citizen.am հարթակում. – իրավունք ունեմ բողոքարկելու իմ տվյալների մշակումը Անձնական տվյալների պաշտպանության գործակալություն կամ դատարան։
9. Ստորագրություն
Համաձայնությունը տրվում է գրավոր (ձեռագիր ստորագրությամբ) կամ էլեկտրոնային եղանակով՝ DOCX.AM հարթակում PIN կոդով, Face ID-ով կամ SMS կոդով հաստատմամբ։ Էլեկտրոնային համաձայնության դեպքում պահպանվում են հաստատման ամսաթիվը, ժամը և սարքի տվյալները։ Անուն, ազգանուն՝ ____________________ Ստորագրություն՝ ____________________ Ամսաթիվ՝ «____» ______________ 20___ թ.